Kaside Der Vasf-ı İstanbul ve Sitâyiş-i İbrahim Paşa [Nedîm]

tarih:
Sadrazam İbrahim Paşa'nın Övgüsü İçin İstanbul Vasfında Yazılan Kasîde 1 Bu şehr-i Sitanbul ki bî-misl ü behâdur  Bir sengine yekpâre 'Acem mülki fedâdur Bir benzeri daha bulunamayan ve değeri ölçülemeyen bu İstanbul şehrinin bir taşına baştan başa İran ülkesi feda olsa yeridir. 2 Bir gevher-i yektâdur iki bahr arasında  Hurşîd-i cihân-tâb ile tartılsa sezâdur [İstanbul] iki deniz arasında eşsiz bir incidir. Cihanı aydınlatan güneşle tartılsa lâyıktır. 3 Bir kân-i ni'amdur ki anun gevheri ikbâl  Bir bâg-i İremdür ki gülü 'izz ü 'alâdur [İstanbul] cehveri talih olan bir nimetler ocağıdır. Gülü yücelik, şan ve şeref olan bir İrem bahçesidir. 4 Altında mı üstünde midür cennet-i a'lâ  El-hak bu ne hâlet bu ne hoş âb ü hevâdur Yüce cennet [İstanbul'un] altında mı yoksa üstünde midir? Gerçekten bu ne hâl, bu ne hoş su ve havadır! 5 Her bağçesi bir çemenistân-i letâfet  Her kûşesi bir meclis-i pür-feyz ü safâdur ...
0

Çokdan husûlini göremem müdde’âların [Nevres-i Kadîm]

tarih:

1. Çokdan husûlini göremem müdde’âların / Te’sîri kalmamışdır efendi du’âların

Müdde’âların husûlini çokdan göremem. Efendi, du’âların te’sîri kalmamışdır 

2. Bîgâneler inâyetine düşdi ihtiyâc / Bir lutfı olmadı bu kadar âşinâların

Bîgâneler inâyetine ihtiyâc düşdi. Bu kadar âşinâların bir lutfı olmadı.

3. Mevc-i hatardan olmadı âsâyişe medâr / Tâ yanına oturmış idim nâ-hüdâların

Nâ-hüdâların tâ yanına oturmış idim. Mevc-i hatardan âsâyişe medâr olmadı.

4. Ey sâkinân-ı bezm-i vatan gâhî yâd idin / Gurbet esîri derd ü belâ mübtelâların

Ey sâkinân-ı bezm-i vatan! Gurbet esîri derd ü belâ mübtelâların gâhî yâd idin 

5. Hâzır olun belâya ey erbâb-ı berg ü sâz / Çıkdı hadeng-i âhı göge bî-nevâların

Ey erbâb-ı berg ü sâz, belâya hâzır olun. Bî-nevâların hadeng-i âhı göge çıkdı

6. Muhtâc ola İlâhî dilenci kapusına / Şol kâm-rân ki dâdın işitmez gedâların

İlâhî! Şol kâm-rân ki gedâların dâdın işitmez dilenci kapusına muhtâc ola

7. İtdi kibâr lutfı beni haste-i melâl / Te’sîri bende zıddına düşdi devâların

Kibâr lutfı beni haste-i melâl itdi. Devâların te’sîri bende zıddına düşdi.

8. Sultân-ı lâ-yezâle niyâz eyle Nevresâ / K’oldur penâhı mîrlerin pâdişâların

Nevresâ Sultân-ı lâ-yezâle niyâz eyle. Ki mîrlerin pâdişâların penâhıoldur.

Yorumlar

Yorum Gönder