Gün-be-gün mu‘tedil olmakda hevâ-yı Bagdâd [Şeyhülislâm Yahyâ]

1. Gün-be-gün mu‘tedil olmakda hevâ-yı Bagdâd

Gayret-i ürd-i bihişt oldı şitâ-yı Bagdâd

2. İltifât itse o şeh ser-be-ser ola gülzâr

Bu hevâyile bu âb ile fezâ-yı Bagdâd

3. Nice sultân-ı guzât olmaya Sultân Murâd

Ki cenâbına nasîb oldı gazâ-yı Bagdâd

4. Feth idüp makdem-i pâkiyle müşerref olıcak

Reşk-i firdevs-i berîn oldı sarây-ı Bagdâd

5. Dâ’imâ pâdişehe eyleye himmet Yahyâ

A‘zam-ı müctehidîn ü küberâ-yı Bagdâd

Nesre Çeviri:

1. Hevâ-yı Bagdâd gün-be-gün mu‘tedil olmakda. Şitâ-yı Bagdâd gayret-i ürd-i bihişt oldı.

2.  O şeh iltifât itse fezâ-yı Bagdâd bu hevâyile bu âb ile ser-be-ser gülzâr ola.

3. Sultân Murâd nice sultân-ı guzât olmaya ki gazâ-yı Bagdâd cenâbına nasîb oldı.

4. Feth idüp makdem-i pâkiyle müşerref olıcak Sarây-ı Bagdâd  reşk-i firdevs-i berîn oldı.

5. Yahyâ, a‘zam-ı müctehidîn ü küberâ-yı Bagdâd dâ’imâ pâdişehe himmet eyleye.

Günümüz Türkçesi

1. Bağdat’ın havası günden güne ılıman olmakta… Bahar ayları Bağdat’ın kışına kıskançlıktan dayanamaz oldu.

2. O padişah lütfetse Bağdat’ın göğü bu su ve bu hava ile baştan başa gül bahçesi olur.

3. Sultan Murat nasıl gazilerin sultanı olmasın? Bağdat Seferi ona (o yüce padişaha) nasip oldu.  

4. Fethedip temiz ayağıyla şereflenince Bağdat Sarayı yüce Firdevs cennetinin kıskandığı yer oldu. 

5. Yahyâ! Önde gelen din âlimleri ve Bağdat’ın büyükleri daima padişaha himmet etsin!