Bir güneş yüzlü melek gördüm ki 'âlem mâhıdur

Bir güneş yüzlü melek gördüm ki 'âlem mâhıdur

Ol kara sünbülleri 'âşıklarınun âhıdur

Karalar geymiş meh-i tâbân gibi ol serv-i nâz
Mülk-i Efrengün meger kim hüsn içinde şâhıdur

Ukde-i zünnârına her kimse kim dil bağlamaz
Ehl-i îmân olmaz ol 'âşıklarun güm-râhıdur

Gamzesi öldürdügine lebleri cânlar virür
Var ise ol rûh-bahşun dîn-i 'Îsâ râhıdur

'Avnîyâ kılma gümân kim sana râm ola nigâr
Sen Sitanbul şâhısun ol  dad Kalâtâ şâhıdur